"Real Madrid" klubunun uruqvaylı mərkəz müdafiəçisi Federiko Valverdenin paylaşımı Toni Kroosu ağladıb.
Məlumata görə, Federiko Valverde özünün "X" sosial şəbəkə hesabında Toni Kroosa yazdığı məktubla almaniyalı ulduzu kədərləndirib.
"Toni, sən mənim kumirim olmusan. Bu sözləri sənə gerçək həyatda deyə biləcək qədər cəsarətli deyiləm. Onun üçün fikirlərimi səndən uzaqda izah etməyə çalışacağam. Hər gəncin uşaqlıqda özünə kumir seçdiyi biri olur. Sən mənim futbolu sevmə səbəblərimdən birisən. Səninlə eyni komandada oynamaq, formanı geyinmək mənim üçün qürurvericidir. Kaş daha 10 il birlikdə oynaya biləydik. Karyeranı bitirməyin mənim üçün gözlənilməz oldu. Səni çox sevirəm və yaxşı ki, varsan, xəyal dünyamın əfsanəsi".
Almaniya millisinin və "Real Madrid" klubunun ulduzu Toni Kroos isə cavab mesajında - "Sən nə etdin, Federiko? Hazırda bu yazını oxuyarkən özümü saxlaya bilmədim və ağladım. Mən də uzun illər sizinlə birlikdə oynamaq istəyərdim. Amma həyatın qanunu qocalmaqdır. Artıq getmək zamanıdır. Unutma ki, mən hər zaman sənin yanında olacağam. Mən də səni sevirəm, əziz dostum", - deyib.
Qeyd edək ki, Toni Kroos Almaniyada keçirilən AVRO-2024-dən sonra karyerasını bitirəcəyini açıqlayıb.
Mənbə: Bild.de